Privacy & 資料處理

語音辨識

目前版本使用 browser 內置 Web Speech API（SpeechRecognition），唔係 GongLah 自己嘅語音模型。實際辨識服務、處理位置及保留安排由你嘅 browser、作業系統或相關供應商決定；GongLah 無法控制該供應商點樣處理聲音。

錄音及咪高峰檢查

GongLah 唔會保存或上傳錄音檔。10 秒咪高峰檢查只會喺你部裝置即時讀取音量同顯示咪高峰名稱，測試完就會釋放咪高峰。

AI 智能整理、清晰版及翻譯

智能整理開啟時，GongLah 會喺你停止錄音或主動按整理後，將辨識完成嘅文字傳送到 Cloudflare Workers AI，改善標點、句子及段落。「清晰」同「EN」版本只會喺你第一次撳相應版本時按需要生成；唔會自動一併產生。

GongLah 唔會將錄音傳送畀 AI，亦唔會要求姓名、電郵或帳戶資料。生成結果只會保存喺你目前 browser 嘅本機儲存空間，重複切換已生成版本唔需要再次傳送文字，直至你修改原文或自然版本。

GongLah 冇建立資料庫保存呢啲整理要求或結果；Cloudflare 會按其服務條款及私隱政策處理推理請求。你可以隨時喺設定關閉「AI 智能整理」，關閉後自動整理只會使用裝置內嘅本機規則；主動生成清晰版或 EN 仍會按你嘅操作使用 Workers AI。

匿名流量及產品統計

為咗了解網站有冇正常運作同邊啲功能真正有用，GongLah 會記錄有限嘅匿名事件，例如頁面瀏覽、完成咪高峰測試、開始錄音、錄音時長級別、完成整理及 Copy。

呢啲統計唔包含你講過或輸入過嘅文字、錄音內容、咪高峰名稱、姓名、電郵或裝置識別碼；亦唔會用 cookie 或建立跨網站追蹤檔案。瀏覽器開啟 Do Not Track 時，前台唔會傳送呢啲事件。

本機文字及設定

• 目前文字、已儲存段落、語言及偏好設定只會存放喺該 browser 嘅本機儲存空間。
• 每日字數、tokens 同慳時統計只喺本機估算；tokens 唔係 Cloudflare 帳單嘅實際用量，慳時會以一般輸入速度扣除錄音時間計算。
• GongLah 冇帳戶同步；轉裝置可以由你自行匯出及匯入 JSON 備份。
• 清除 browser 網站資料，或者喺 GongLah 清除文字，就會刪除相應本機內容。

網站託管

網站同智能整理服務由 Cloudflare 託管。Cloudflare 可能按其服務運作及安全需要處理一般網絡資料，例如 IP 地址、請求時間及裝置／browser 資訊；GongLah 本身唔會用呢啲資料建立用戶帳戶。

你可以點控制資料

你可以拒絕咪高峰權限、毋須安裝繼續使用、隨時 Clear 文字，亦可以只喺自己控制嘅裝置保存備份。公司裝置如有內部政策，請先跟從公司規定。